شبكة سيارات هيونداي العربية

شبكة لمتابعة جديد ما يخص سيارات هيونداي و جينيسس بالشرق الأوسط


بسم الله الرحمن الرحيم
موضوع عن تغيير زيت قير سوناتا 2012 لاحد الاخوان بقروب هيونداي
الاخ أحمد الزهراني وتم تغيير الزيت بنفسه
الطريقه قريبه لتتغير زيت السيارات التاليه
سوناتا – النترا – i40 – ازيرا – توسان – سانتافي
طبعا كان ممشى السياره متعدي 100 الف كم
واستخدام السياره شاق
لا بد استخدام حفرة زيت وتكون السياره مستويه “عشان نقدر ننزل اكبر كميه زيت”
الاخ استعان بحفرة بنشري
اختار الزيت الموصى به بالكتلوج لموديلات 2012 وطالع واستخدام الزيت الموصى به SP IV
مناسب للسوناتا والازيرا والالنترا والتوسان والسانتافي الموديلات الحديثه من 2012 ست سرعات
موجود بفروع كيا 71 ريال للعلبه

وخطوات تغيير الزيت بالصور

تغيير زيت القير سوناتا

1-فك وصلة الفلتر . لفك مسمار تعبئة الزيت

زيت القير
2-مسمار التعبئه لدخول الزيت

3-هذا المسمار بعد الفك ..مسمار بلاستيكي الحذر من فكه بقوه

4-فك مسمار التسريب السفلي بمفك 24
– قبل ما نفكه. نحط. طشت عشان. نقيس كميه الزيت. الي تخرج الي مو عارف كم علبه

6-وبعد ما نسرب الزيت. نقفل المسمار. ونعبي مكان. التعبيه الي وضحته قبل

7-وفي مسمار ثاني. الي هو العيار الي يطلع لك الزيت الزايد
بهذا العيار الجانبي او المسمار .يدلنا على مستوى الزيت اذا زاد او امتلى . اذا تسرب الزيت في حالة التعبئه . ننتظر لحد ما يتوقف الزيت

IMG-20150201-WA0016

في تعبئة الزيت

الزيت كمية الزيت اللي نزل فرضا 2 لتر
التعبئه تكون 2 لتر
ونستعين بالعيار

ونشكر الاخ احمد الزهراني على الصور والشرح


متاح للاستفسار والتعليقات

تعليق 41 حتى الأن.

  1. يقول خالد:

    سلام عليكم.
    يعطيك العافيه…..
    انا ف القنفذه احصله. ولالا
    ومعي سياره. النترا مشتيتها 110الف تنصحني اغير زيت القير هذا زيت

  2. يقول admin:

    هلا اخوي
    ايه نعم تقدر تغيره ويفضل نفس الزيت

  3. يقول 123:

    السلام عليكم ورحمة الله وبركاته

    جزاك الله خير ع التقرير أخوي

    أنا عندي النترا 2013 ماشيه حول 50 الف تقريبا وغيرت زيت القير
    لكن ما استخدمت النوع الي انت استخدمته بسبب سعره المبالغ فيه
    وأتوقع أنه مجرد تسويق له لا اقل ولا اكثر
    فـ استخدمت الزيت الي كانت تستخدمه الوكاله قبل وهو كاسترول
    نزل تقريبا 4 لتر وحطيت 4 هل لازم افتح الصره حقت العيار ؟
    ثانيا ملاحظ تغيير في الغيارات اذا “مسكت فرامل” تتوقع يكون الزيت هو السبب ؟

  4. يقول محمد:

    السلام عليكم ورحمة الله وبركاته

    جزاك الله خير ع التقرير أخوي

    أنا عندي النترا 2013 ماشيه حول 50 الف تقريبا وغيرت زيت القير
    لكن ما استخدمت النوع الي انت استخدمته بسبب سعره المبالغ فيه
    وأتوقع أنه مجرد تسويق له لا اقل ولا اكثر
    فـ استخدمت الزيت الي كانت تستخدمه الوكاله قبل وهو كاسترول
    نزل تقريبا 4 لتر وحطيت 4 هل لازم افتح الصره حقت العيار ؟
    ثانيا ملاحظ تغيير في الغيارات اذا “مسكت فرامل” تتوقع يكون الزيت هو السبب ؟

  5. يقول admin:

    هلا اخوي
    زيت القير حساس جدا ولازم لك قير نوعيه خاصه فيه
    فزيت الالنترا القديم يختلف عن زيت الالنترا الجديد
    ومايجي تحط زيت عيار sp III بدل زيت عيار sp IV
    الافضل تغير نفس الزيت الموصى به او تلاحظ فيه فرق بالتغيرات
    وعلى المدى البعيد يوصل لتخبيط

    وتحصل الزيت بفروع كيا 71 ريال .. زيت القير حساس جدا

    عكس زيوت المكينه

  6. يقول محمد:

    الله يسعدك يا أخوي على الرد السريع

    طيب بالنسبة لصرة العيار هل لازم افتحها واذا فتحتها القير يكون على اي نمرة ؟

    أتوقع مافي داعي افتحها اذا كنت احسب الزيت الي نزلته وأحط مثله ولا ؟

    وأرجع أقول الله يجزاك خير ويكثر من امثالك

  7. يقول admin:

    لا عادي بس من باب التاكيد تسوي الطريقه احتياطا
    ممكن الزيت ناقص او زايد .. هو الدليل اللي يبين لك اذا هو تمام او لى

    منور وبالخدمه اخوي

  8. يقول محمد:

    طيب ما وضحت على أي نمره ” غيار” يكون القير اذا كنت بفتح صرة العيار
    وهل لازم الموتر يكون شغال وقتها

    أسف كثرت عليك اسأله لكن هالجزئيه مارديت علي فيها

  9. يقول admin:

    قبل لا تفك السره السفليه
    تحرك عصى القير بين النمر لمدة 20 ثانيه بين نمره والثانية
    واخر شي تكون على البي

    وفي بعض الميكانيكيين يغيرون الزيت على ثلاث مراحل على اساس يقدر يغير اكبر كمية وراح انسخ لكم الرابط

  10. يقول محمد:

    الله يجزاك خير ياخوي

    ماقصرت والله

    الله يسعدك :)

  11. يقول سالم:

    اخوي مافهمت اشلون احط النمره عشرين ثانيه وثامي شي بالمقطع فك الصره من جديد ونزل وسخ وشو السبب مع العلم انا معي فوليستر ٢٠١٢ وحاب استفسر اخوي بالنسبه للباور كيف اعبي زيت حقه او اعايره

  12. يقول admin:

    يعني تنقله من البي الى نرمه ثانيه وتخليه 20 ثانيه وتنقله للنمره اللي بعدها 20 ثانيه

    واللي بالمقطع من زود الاهتمام يبي يرجعه قريب من اللون الاول للقير
    فغيره على فترتين

  13. يقول علي:

    بارك الله فيك
    شرح وافي وكافي

  14. يقول ليث خليل:

    السلام عليكم سيارتي هونداي افانتي 2010 وماشي عليها 112 الف وما ادري ايش نوع زيت القير الي احط لها ممكن تفيدوني وشكرا

  15. يقول admin:

    وعليم السلام والرحمه
    جرب زيت القير مو تسبيشي SP III

  16. يقول طارق:

    هل يوجد فتحة تنسيم في قير سوناتا ٢٠١٢ من تحت

  17. يقول فهد الحربي:

    نزلت الزيت وعبيته تقريباً 4لتر و200 مل
    ماعرفت فتحة العيار الي بالنص!
    تنصحني افكها واشوف اذا فيه زائد؟

  18. يقول فهد الحربي:

    طبعاً السيارة سوناتا 2012 والزيت بالوعلان ب60 مع الخصم ب50 SPIV

  19. يقول admin:

    اكيد لان الزياده مشكله بعد

  20. يقول wesam:

    السلام عليكم … اخوي عندي فيلوستر 2012 ماشيه 92000 تنصح نغير زيت الجير .. لازم عند التوكيل ولا عند اي بنزينه محترمة ينفع … و يا ريت تذكرلي نوعه … ويوجد بالسيارة رجفة بالمحرك عند وصول ار بي ام 1600 دورة … وتختفي بعدها … رأيك شو السبب .. ولكم الشكر

  21. يقول hakam:

    السلام عليكم … اخوي عندي فيلوستر 2012 ماشيه 92000 تنصح نغير زيت الجير .. لازم عند التوكيل ولا عند اي بنزينه محترمة ينفع … و يا ريت تذكرلي نوعه … ويوجد بالسيارة رجفة بالمحرك عند وصول ار بي ام 1600 دورة … وتختفي بعدها … رأيك شو السبب .. ولكم الشكر

  22. يقول admin:

    عادي اهم شي يكون عند واحد فاهم ونفس الزيت الموصى به بالكتلوج

  23. يقول فهد الحربي:

    مسمار العيار فكيته مره ثانيه والموتر حار نزل تقريبا علبه ونص!! تركته لين وقف وربطته
    صار الموتر فيه تقريباً 3 علب بس!
    خايف ان المسمار ماهو عيار لان اول مره اغير واترك الوكاله

  24. يقول admin:

    اذا تقصد اللي فوق بالجنب فكيته وهليته ينزل لما يوقف فطريقتك صحيحه

  25. يقول الشهراني:

    يااخوان انا عندي سوناتا ٢٠١١ ماشيه ٨٥ الف غيرت زيت القير كاسترول اخذ ٤ علب وربع بالزبط والحمد لله الان وضع السياره ممتاز شغل اليد ١٥٠ ريال عند عبده جربكس في صناعية جده شمال سعر الزيت ٢٥ ريال للعلبه اتمنى اني افدكم وشكرا

  26. يقول الشهراني:

    للاستفسار هذا البن حقي5A45DFC1

  27. يقول غير معروف:

    السلام عليكم اخوي كم تحتاج من علبه زيت

  28. يقول هاني المالكي:

    السلام عليكم
    لاهنت يا اخوي انا عندي سيارة هوناي النترا 2011 غيرت زيت القير
    من بترومين لون العلبة احمر ومكتوب عليها

    -الكتابة الاولى :
    زيت ناقل الحركة الأوتوماتيكي lll

    -الكتابة الثانية :
    DX lll

    وحصل عندي بعد فترة تأخر في النقل القير من D الى R
    وش تنصحني فيه يا خوي
    الممشى تقريباَ حوالي خمسين ألف .

  29. يقول عبدالله محمد:

    سلام عليكم ورحمة الله وبركاته . ياشباب معي النترا 2015 ابى اغير زيت قير بس كم يحتاج علبه زيت قير

  30. يقول Kassim:

    معايرة الزيت والسياره حاميه ولا تكون واقفه

  31. يقول مصطفى المولى:

    عندي سيارة هونداي سنتافي 2011 مكينة 3.5 كيف يتم تغير زيت القير مع جزيل الشكر

  32. يقول ماجدااصغير:

    السلام عليكم اخوي انا عندي ازيرا 2013. اربعه سيلندر غيرت زيت القير بنفس زيت الوكاله عند بترومين وفتح الصرة السفليه وبدون مايقيس الزيت اللي طلع وصب لي 4 لتر وبدون مايفتح الصرة الجانبيه هل يحتاج اني ارجع واخليه يفتحها حتا يطلع لزيت الزايد وشكرا

  33. يقول هاني العتيبي:

    السلام عليكم غيرت زيت القير الانترا ٢٠١٤ ع ٩٠٠٠٠

    زيت شل سوبر وحسيت القير ثقل وتعشيق يبطي

    هل تنصحني اغير زيت الوكاله مع اني مالي اسبوعين مغيره

  34. يقول admin:

    زيتها بالكتلوج sp iv
    اي زيت غير ذا يبسبب لك مشاكل ويمكن توصل للتخبيط

    غيره

  35. يقول Mohamed:

    اذا زيت القير زايد عن حده ايش ايصير .سوناتا 2013

  36. يقول admin:

    راح يكون فيه خشونه نسبيه بين التعاشيق وهذه اثرها بعدين

  37. يقول Hasan:

    الالنترا 2014 هل هيا نفس الطريقه

  38. يقول حبيب:

    اشكر صاحب الموضوع اولا..لاني كنت تايه بسبب انه السوناتا 2014 مالها
    عصى معيار زيت القير وهذا عيب كبير
    فعلا غيرت الزيت عند بترومين وفك السرة اللي يالجنب لين وقف وسكر
    وبعض فروع بترومين مايفك السره ولا شي يعبي اربع علب ونص وبس

    بالنسبه للي يحط تحته طشت ..وعاء ويعبي نفس اللي نزل هذا افضل حل ..لانه معيارها ماهو عملي ولا يحتاجه بكذا
    عب نفس اللي نزل وبس

  39. يقول 7mad:

    شرحك جميل حاب استفسر ممكن تفيدني بمعلماتك حول سياره اكسنت 2016 كم تحتاج علبه وماهو الزيت المناسب للقير طبعاا وهل يحتاج فك الفلتر 😑😑


  • RSS
  • Delicious
  • Digg
  • Facebook
  • Twitter
  • Linkedin
  • Youtube

الأكثر قراءة

توجيهات لمن أراد تغيير زيت القير

    توجيهات لمن أراد تغيير زيت القير 1- يجب اختيار زيت القير ...

إطرح مشكلتك

صفحه خاصه لطرح مشاكل سيارات هيونداي الميكانيكية والكهربائيه ...

موقع يقوم بعرض زيت المحرك والقير وا

بسم الله الرحمن الرحيم كاتب الموضوع ( أحمد الغامدي) السلام عليكم ورحمة ...

عروض المجدوعي على سيارات هيونداي

عرض هيونداي المجدوعي؟!! سنتين بدون هامش ربح. تفضل بزيارة اقرب فرع للهيونداي ...