ad2 قم بطرح مشكلتك ليتم الرد عليك
التميز خلال 24 ساعة
العضو المميز الموضوع المميز المشرف المميز
سمير كمال اسلوب صيانة ال جي 01060037840|| ديب فريزر ال جي الوراق || 0235682820
بقلم : فدووش
قريبا


الورشه العامه والصيانه الذاتيه لعرض [مشاكل] [وحلول] ومواضيع [تعريفيه] لتجنب بعض المشاكل والاستخدام الأمثل

إضافة رد

قديم 08-22-2013   #1
الصورة الرمزية a7md07
مشرف
تاريخ التسجيل: Apr 2013
الدولة: الرياض
المشاركات: 203
التقييم: 321

مـجـمـوع الأوسـمـة: 2

وسام التألق



نوع السيارة : سوناتا
الموديل : 2006
اللون : رصاصي
الوكيل : الوعلان
افتراضي خطوات تغيير ازرار الدركسون بالصور !

بسم الله الرحمن الرحيم

السلام عليكم ورحمة الله وبركاته

الآن وحصريا طريقة تغيير ازرار تحكم الدركسون في السوناتا او تركيب الازرار للي ماعنده

اخواني من فتره وكلنا ننتظر بعض من فينا يشوف كيف تتركب الازرار والبعض راح الوكالة وقالو له لا ماتركب ومستحيل وكلام فاضي وخرابيط كثيرة انا من اسبوع حطيت الدركسون براسي يعني ظروري يستسلم لي
المهم فكيت كل شي وتابعو خطوة خطوة واهم شي اول خطوة اذا عندك ايرباق انك تفصل اصابع البطاريه من الكبوت :

1- اهم شيء واكثر شي لازم تنتبه له فصل اذا عندك ايرباق لازم ضروري تفصل اصابع البطاااااريه للسلكين الموجب والسالب والسبب عدم تشغيل حساس الايرباج وخروج الايرباق اثناء فك الدركسوووون


2- تحصل على جانب الدركسون مسمار عند اليد حقت الاشارات ومسمار عند اليد حقت المساحات .. وهو مسمار حديد على شكل نجمة واضح بالصورة هو المراد فكه ويحتاج شوي قوة لفكة وهذا شكل المسمار والمفك

اضغط على الصورة لرؤيتها بالحجم الطبيعي

3- يلزمنا الان مفك متخصص سداسي الزوايا كما في الصورة ويكون قياسه T40 ولو مريت اي محل سباك راح تحصله وهالمفك يجي مع السيارات الالمانيه لان كل مساميرها زي هالمسمار هذا هذي صورة توضح راس المفك وراس المسمار واذا ماحصلت هالنوع تقدر تستخدم مفك سداسي عادي بس يمكن يخرب عليك المسمار

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

4- لف الدركسون وخلي المسمار اللي تبي تفكه لفوق عشان يسهل علي المساحه ويسهل عليك الفك ويعطيك مساحه بعيده عن ذراع المساحات وذراع انوار السيارة

اضغط على الصورة لرؤيتها بالحجم الطبيعي

5-بعد فك المسمارين من جهه اليسار ومن جهه اليمين ماهو ضروري تطلع المسمار لبرا وبيبقى المسمار ماسك بالدركسون واذا ودك تطلع المسمار خذلك ملقط او زرادية ببوز طويل عشان تسحبه لان في ثلاث زوايا بلاستيك صغيره ماسكته عشان مايطيح لبرا زي ماشرت بالصورة وانتبه لا تنكسر البلاستيكات تراها صغيرة مرة واحتمال تتكسر يعني الافضل تخليها ماسكة في الغطاء اللي انفك

6- الحين عدل الدركسون وعشان يطلع معاك الغطاء اللي بوسط الدركسون اسحب من يمين ويسار واسحب لفوق وتحت لان وسط الدركسون من تحت جاي كبس يعني مثبت بمسامر يمين ومسمار يسار ومن تحت كبس عشان تفك الكبس اسحبه لفوق باتجاه السقف يعني مو باتجاهك وسهل راح يطلع لحاله وهذي الصورة اول مافكيت الغطاء وسط الدركسون

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

7- عشان نفك الازرار اللي كل شغلنا عشانها لازم نفك مسمارين لكل جهه زي اللي بالصورة محددها باللون الاصفر اللي بنفكها عشان تكون واضحة

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

8- بعد مافكينا المسامير اللي ماسكه بالزر باقي عليك تسحب الازرار باتجاهك لانها راكبه كبس ولاتخاف ماراح تنكسر بس اسحبها بقوة وتطلع

اضغط على الصورة لرؤيتها بالحجم الطبيعي


9 - فك السلك اللي محدد باللون الاحمر في الصورة التالية الطرف الاول من الدركسون والطرف الثاني من الازرار والطرف الثالث الكبس الحديد اللي بوضحة في الصور القادمة

اضغط على الصورة لرؤيتها بالحجم الطبيعي


بعدين فك سلك الكهرباء اللي داخل بالازرار ومحدد باللون الاحمر هنا في الصورة

اضغط على الصورة لرؤيتها بالحجم الطبيعي

نفك طرف السلك الكبس اللي مثبت داخل الدركسون (وهو محدد باللون البنفسجي) في الصورة التالية وهو مجرد كبس بس عليك تسحبة بشويش وينفك معك وهذي صورة السلك اللي اتكلم عنه

اضغط على الصورة لرؤيتها بالحجم الطبيعي

نركب سلك الكهرباء الجديد وهذا هو

اضغط على الصورة لرؤيتها بالحجم الطبيعي


10- عند تركيب السلك واعاده الزر لمكانه تاكد من ان السلك ركب وراء الازرار ولا تنسى تركب طرف السلك الكبس اللي وضحته في الصورة السابقة عشان يركب معاك الدرسكون بكل سهوله ويدخل المسمار على طول بدون مايتعبك

11- وهذي الازرار الجديدة نركبها مكان القديمة ونربط المسمارين اللي تثبتها في الدركسون

اضغط على الصورة لرؤيتها بالحجم الطبيعي



12- اخيرا نربط المسامير ونكبس غطاها اذا كان لها غطاء وعليكم بالعافيه وهذا شكلها بعد التركيب

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اتمنى الموضوع افادكم بالذات للي ماعندهم ازرار التحكم


الأدوات المستخدمة للفك والتركيب :

اولا الازرار وقيمتها ريال 350 ريال مع الشحن لاني طلبتها من النت ..

اضغط على الصورة لرؤيتها بالحجم الطبيعي

ثانيا : المفك الخاص بالمسمارين الجانبيين T40 من أي محل يبيع أدوات ومسامير وزرادية لسحب المسامير ويد للحبة حتى يسهل فكها..
26 ريال للجميع

اضغط على الصورة لرؤيتها بالحجم الطبيعي

الوقت المستغرق للتركيب 25 دقيقة .. أي سؤال انا حاضر ....

الموضوع اهداء لمشرفنا خالد ( ќ н α ι є ď ~ ) ولا يهونون البقية h-1

وختاماً اتمنى ان الفكره تنال اعجابكم ان يكون الشرح واضح فان اصبت فمن الله وان اخطات فمن نفسي والشيطان

همسه : الموضوع اخذ جهد ووقت لاعداده حتى تصل الفكره لك فلا تبخل علينا بدعوه لوجه الله تعالى


a7md07 غير متواجد حالياً   رد مع اقتباس
قديم 08-23-2013   #2
الصورة الرمزية ќ н α ι є ď ~
إداري مساند ومشرف جينيسس
تاريخ التسجيل: Sep 2012
الدولة: Jeddah
المشاركات: 2,220
التقييم: 676

مـجـمـوع الأوسـمـة: 2

وسام التواجد



نوع السيارة : Genesis - S
الموديل : 2014
اللون : Royal Black
الوكيل : الناغي
افتراضي رد: خطوات تغيير ازرار الدركسون بالصور !

وعليكم السلام


الله عليكـ يأ هندسه

صراحة فنان وشيء مو جديد عليكـ يآ غالي

يعجبني فيكـ انكـ دقيق بكل شيء وهذا هو شغل إحترافي

ماشاء الله عليكـ

ألف شكر لكـ والله يجزاكـ كل خير يآ رب والله يوفقكـ يآ غالي

صراحة شرح وتنسيق ولآ أروع

وأشكركـ على هذا الإهداء الأكثر من رائع تسلم وماقصرت يآ غالي

تحياتي لكـ وبالتوفيق وبـ إنتظار جديدكـ المميز دآيمآ

تستاهل أحلى تقييم وأكثر من تقييم +1000 (:

وخمس نجوم * * * * *
* تغطية تجمع مالكي هيونداي الأول بـ جدة

سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاته
سُبحان آلله وبحمده سٌبـحان الله العظيم اضغط على الصورة لرؤيتها بالحجم الطبيعي

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ

اضغط على الصورة لرؤيتها بالحجم الطبيعي


Twitter اضغط على الصورة لرؤيتها بالحجم الطبيعي

facebook اضغط على الصورة لرؤيتها بالحجم الطبيعي

youtube اضغط على الصورة لرؤيتها بالحجم الطبيعي
ќ н α ι є ď ~ غير متواجد حالياً   رد مع اقتباس
قديم 08-23-2013   #3
الصورة الرمزية a7md07
مشرف
تاريخ التسجيل: Apr 2013
الدولة: الرياض
المشاركات: 203
التقييم: 321

مـجـمـوع الأوسـمـة: 2

وسام التألق



نوع السيارة : سوناتا
الموديل : 2006
اللون : رصاصي
الوكيل : الوعلان
افتراضي رد: خطوات تغيير ازرار الدركسون بالصور !

اقتباس:
المشاركة الأصلية كتبت بواسطة ќ н α ι є ď ~ مشاهدة المشاركة
وعليكم السلام


الله عليكـ يأ هندسه

صراحة فنان وشيء مو جديد عليكـ يآ غالي

يعجبني فيكـ انكـ دقيق بكل شيء وهذا هو شغل إحترافي

ماشاء الله عليكـ

ألف شكر لكـ والله يجزاكـ كل خير يآ رب والله يوفقكـ يآ غالي

صراحة شرح وتنسيق ولآ أروع

وأشكركـ على هذا الإهداء الأكثر من رائع تسلم وماقصرت يآ غالي

تحياتي لكـ وبالتوفيق وبـ إنتظار جديدكـ المميز دآيمآ

تستاهل أحلى تقييم وأكثر من تقييم +1000 (:

وخمس نجوم * * * * *
انت الفنان ياحبيب قلبي والشكر لك بدعمك وتقييمك نواصل الابداع والتعب

الله يوفقك ويجزاك خير على دعواتك الحلوة وتستاهل اكثر من اهداء يابو خلود
a7md07 غير متواجد حالياً   رد مع اقتباس
قديم 08-24-2013   #4
الصورة الرمزية حاير
المشرف العام
تاريخ التسجيل: Dec 2011
المشاركات: 1,658
التقييم: 494

مـجـمـوع الأوسـمـة: 1

وسام الإدارة المميزة



نوع السيارة : سوناتا V6
الموديل : 2006
اللون : ذهبي
الوكيل : U.S.A
افتراضي رد: خطوات تغيير ازرار الدركسون بالصور !

مين قدك يا خالد : ))

يعطيك العافية يا أحمد وجهدك مشكور مأجور ان شاء الله ,,
والله يجعله بميزان حسناتك ..

دمت ,,
حاير غير متواجد حالياً   رد مع اقتباس
قديم 08-24-2013   #5
الصورة الرمزية a7md07
مشرف
تاريخ التسجيل: Apr 2013
الدولة: الرياض
المشاركات: 203
التقييم: 321

مـجـمـوع الأوسـمـة: 2

وسام التألق



نوع السيارة : سوناتا
الموديل : 2006
اللون : رصاصي
الوكيل : الوعلان
افتراضي رد: خطوات تغيير ازرار الدركسون بالصور !

اقتباس:
المشاركة الأصلية كتبت بواسطة حاير مشاهدة المشاركة
مين قدك يا خالد : ))

يعطيك العافية يا أحمد وجهدك مشكور مأجور ان شاء الله ,,
والله يجعله بميزان حسناتك ..

دمت ,,
الله يعافيك ويرحم والدينا ووالديك والشكر لك انت عالمرور يابعدي
a7md07 غير متواجد حالياً   رد مع اقتباس
إضافة رد

الكلمات الدليلية (Tags - تاق )
الدركسون, اسرار, بالصور, تغيير, خطوات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:56 PM.
Powered by vBulletin® Version 3.8.4
Copyright ©2000 - 2019, Jelsoft Enterprises Ltd diamond
:: جميع ما يتم طرحه من أراء ومنشورات وما يتم بيعه وشرائه عن طريق الموقع لسنى مسؤلين عنه ::