ad2 قم بطرح مشكلتك ليتم الرد عليك
التميز خلال 24 ساعة
العضو المميز الموضوع المميز المشرف المميز
جماانه دعاء لتسخير الزوج مضمون بإذن الله 00491634511222 - 00491634511222
بقلم : جماانه
قريبا


قسم مشكلتي قسم خاص باستفسارات ومشاكل الزوار للدخول . إسم العضويه : [مشكلتي] . كلمة المرور [1234] .

إضافة رد

قديم 08-03-2018   #1
تاريخ التسجيل: Aug 2018
المشاركات: 2
التقييم: 10
نوع السيارة : هونداي سوناتا
الموديل : 2011
اللون : فضي
الوكيل : جمعة الماجد
افتراضي مشكلة تكييف الهواء في هونداي سوناتا 2011

السلام عليكم ورحمة الله وبركاته شباب
كيف الحال وعساكم طيبين الموضوع كالتالي :-
انا قبل شهر ونص تقريباً اشتريت سيارة هونداي سوناتا 2011 فل واحد على واحد طبعا السيارة كانت مستعملة وقبل لا اشتريها وقفت في الشمس كثير يعني شهر ونص الى شهرين تقريبا المهم بعد ما اشتريت السيارة تبين لي ان مكيفها فيه خراب اول ما تشغل السيارة ما يبرد ولازم تنتظر من سبع الى عشر دقايق على شان يبدأ يبرد هذا اذا تمت السيارة واقفة في نفس المكان اما اذا حركتها لا شوية دقيقتن إلى ثلاث دقايق ويبدأ يبرد .
قلت ما عليه يمكن بس سبب الوقفة في الشمس لمدة طويلة انتظرت تقريبا اسبوعين اشوف التكييف خلاص في النهار وفي شدة الحر يعني تقدر تقول من 8 الصباح لين 6 المغرب ابد مافي اي هواء بارد يطلع من المكيف ونادرا ما كان المكيف يطلع هواء بارد واذا زانت اموره وقام يبرد اعطه عشر دقايق إلى ربع ساعة الا ويفصل وترجع حليمة لعادتها القديمة .
المهم ما لنا في الطويلة رحت الصناعية ( صناعية ام الرمول _ دبي ) لعل وعسى ان حد يشوف لي حل رحت لكم قراج كلهم اجمعوا - سوريين وباكستانيين وبنقال - على ان الكمبريسر خربان ولازم له من تبديل ووقت تبديلة لازم يتنظف سستم المكيف كامل البيبات او التوصيلات وشبك الرديتر والثلاجة يعني باختصار تنظيف كامل شامل مع تبديل فلتر الرديتر المهم رحت الوكالة وخذت الكمبريسر بـ2100 درهم والفلتر بـ190درهم وكم شغلة ثانية المهم خسارة جامدة باختصار وشغل يد كلفني 500 درهم .
ما صدقت اني خلصت من السالفة هذي وشليت من عندهم الموتر واموره طيبة وكل شي على ما يرام بعدها تقريبا بشهر رجع المكيف يفصل في الزحمة ويطلع هواء حار ولازم اسرع - لازم الـ rbm يتجاوز 3 - على اساس يبرد بالذات في النهار وفي عز الحر اما في الليل كانت اموره طيبة بعدين خلاص المكيف لا يبرد لا في النهار ولا في الليل ولا بسرعة ولا راحات ولا وانا واقف ولا وانا اتحرك المهم قلت خله يولي وسحبت عليه فتره وبعدها كنت اركب السيارة اول ما اشغل المكيف اسمع واشم تسريب غاز من فتحات المكيف .
اجلت الموضوع تقريبا يومين وبعدها رحت لصناعية راس الخور وشافها واحد باكستاني وقالي نفس الكلام اللي قالوا لي ربعه قبل قال لازم تبديل كمبريسر وتنظيف سستم المكيف الشي الوحيد اللي ضافه انه قال ان التسريب جاي من الثلاجة وأنه لازم لها من تبديل بعدها عرفت ان ما عنده سالفة لاني مبدل الكمبريسر من شهر ومنظف السستم كامل حق المكيف والكمبريسر وباقي القطع ماخذنهن من الوكالة يعني مش مستعمل ولا جودة اي كلام .
المهم يا جماعة الخير انا بحثت في الموضوع واكتشفت ان الهونداي بشكل عام عندها نوعين من الكمبريسرات ميكانيكي وكهربائي المكيانيكي اللي يجي في الموديلات القديمة يعني في السوناتا لين 2010 وهذا ممتاز ويدوم معك اللهم مشكلته يضعف عزم السيارة ويستهلك بترول كثير مقارنة بالكهربائي والكهربائي بدأ العمل به في السوناتا من موديل 2011 وفوق والاختلاف انه يجي فيه سنسر او حساس وهو اللي يقيس كمية البرودة في السيارة وفي حالة وصول البرودة لدرجة معينة يفصل وبكذا يكون اوفر وافضل ولكن مشكلته انه ما ينفع لاجوائنا اللي هنا مع الحرارة اللي نحن عايشين فيها وبكذا ما يدوم يالله يدوم معك من اسبوع إلى ثلاثة اسابيع بعدها يخرب والشي الثاني يوم يخرب عندك وتبا تبدله مستحيل محلات قطع الغيار او الوكالة يبيعونه لك بروحه لا ما ينفع حق البزنس لازم تاخذ الكمبريسر كامل على شان تدفع 2100 درهم بدل ما تدفع 200 درهم حق الحساس بس .
الخلاصة في كم حل يدور في راسي حاليا وهم كالتالي :
1 : ابدل الكمبريسر اللي عندي بكمبريسر سوناتا 2009 او كمبريسر كيا اوبتيما 2009 حسب ما نصحوني النااس ولكن السؤال هنا ايهم افصل من ناحية انه يركب على القاعدة الموجودة عندي بدون اي قص او تلحيم او اضافات اخرى هل السوناتا 2009 او كيا اوبتيما 2009 .
وهل تنصحوني في الخيار هذا لان في ناس تحذر منه .
2 : ابدل السنسر او الحساس حق الكمبربسر الموجود عندي حاليا واجرب حظي يمكن يضبط .
3 : ابيع السيارة واخلص منها وارجع لي على الياباني لاني والله اني كرهتها من كثر ما دخلتني الصناعية .
فيدونا يا اهل الخبرة وفي كل الحالات اللي يعرف حد في دبي او الشارقة او عجمان راعي قراج فنان ويفهم في موضوع التكييف في السوناتا يسوي فينا خير ويخبرنا يمكانه .
واعذرووووني على الاطالة حبيت تكون عندكم خلفية عن الموضوع كامل .
التعديل الأخير تم بواسطة عبدالرحمن عبدالخالق ; 08-03-2018 الساعة 07:25 AM
عبدالرحمن عبدالخالق غير متواجد حالياً   رد مع اقتباس
قديم 08-05-2018   #2
الصورة الرمزية Ahmad
مدير عام
تاريخ التسجيل: May 2010
الدولة: دبي - الإمارات العربية المتحدة
العمر: 38
المشاركات: 793
التقييم: 22
نوع السيارة : سوناتا
الموديل : 2011
اللون : أبيض لؤلؤي
الوكيل : جمعة الماجد
افتراضي رد: مشكلة تكييف الهواء في هونداي سوناتا 2011

السلام عليكم أخي العزيز. المشكلة في السيارات الكورية الحديثة من موديل 2011 وفوق انه عند التوقف التبريد يخف بشكل ملحوظ وذلك للمحافظة على الكمبريسور!!! لكن التوقف يصير لوقت قصير وبعدها يرجع المكيف يبرد لكن اذا ما يبرد يكون مشكلة في حساس الكمبريسور أو الي يسمونه بلف الكمبريسور. هالمشكلة صارت معي شخصيا قبل أكثر من سنة ونص وصار المكيف أفضل لكن بعد أقل من شهر رجع لنفس المشكلة وما زالت لغاية الان!!!! لازم تدوس لحتى يبرد المكيف.
شوف المشاركة التالية وأتمنالك التوفيق:

http://hyundai-arabic.com/vb/showthread.php?t=15219

بالنسبة للترهيم وانك تركب مكيف سيارة أخرى أعتقد يصير لكن تحتاج شخص يفهم بهالشي لأنه يمكن يأثر على عزم السيارة.. وربنا يعينا على مكيفات السوناتا مع انها سيارة ممتازة الا اني فكرت اتخلص منها بسبب هالمكيف العقيم.. وسامحني عالاطالة
Ahmad غير متواجد حالياً   رد مع اقتباس
قديم 08-12-2018   #3
تاريخ التسجيل: Aug 2018
المشاركات: 2
التقييم: 10
نوع السيارة : هونداي سوناتا
الموديل : 2011
اللون : فضي
الوكيل : جمعة الماجد
افتراضي رد: مشكلة تكييف الهواء في هونداي سوناتا 2011

الف شكر اخوي ما قصرت
عبدالرحمن عبدالخالق غير متواجد حالياً   رد مع اقتباس
إضافة رد

الكلمات الدليلية (Tags - تاق )
2011, هونداي, مشكلة, الهواء, تكيف, سوناتا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:14 PM.
Powered by vBulletin® Version 3.8.4
Copyright ©2000 - 2019, Jelsoft Enterprises Ltd diamond
:: جميع ما يتم طرحه من أراء ومنشورات وما يتم بيعه وشرائه عن طريق الموقع لسنى مسؤلين عنه ::