تبا لكم يالمجدوعي وتبا لحثالة الموضفين في صيانة فرع الدمام

السلام عليكم ورحمة والله بركاته


اكتب لكم موضوعي وانا مغبون ومقهور قسم بالله .. المجدوعي مرمطو فيني .. الى متى الله اعلم

ببدا قصتي معهم :

دخلت لهم السياره التشييك يوم الحد الماضي صيانة 80 الف قالي تخلص الاربعاء او الخميس لان فيها مشاكل كثيره !!! قلت خير

دق علي يوم الثلاثاء الموضف قالي عندك سير التايمن وبريكات خلفيه وفلاتر يحتاجون تغير سير التايمن لحاله ب1100 ريال ايه لا تنهبلون من السعر قلت خير عطني 10 دقايق واكلمك

اتصل على الفرع حول 10 مرات محد يرد

اتصل على جواله الي محطوط بالفاتوره مايرد

قلت خير ارسلت له رساله غيرو القطع

من بكره كلمته قلت له ها متى تخلص قالي صعبه اليوم على بكره ان شاء الله

الى الان وضعنا بالسليم...

جيتهم الخميس قالي في 3 قطع طالبينهم والى الان ماجو وانا عارف وش هي القطع ورايح قطع الغيار حق الوكاله ومحصلهم موجودين قلت معليه

جيتهم اليوم قبل ساعه تقريبا

قالي بعد ماخلصت بكره القطع اليوم واصله الي هي مكاين الدرايش وكنترول الدارايش .. معاي

قومت الدنيا عليهم ومقعدتها هواش وصراخ على الموضف واتل من الفاتوره واخش على المصري الوصخ المدير حقهم وانا خاش لهم متنرفز واقوله الموضوع

تدرون وش يقولي " وطيب انا اقدر حتى لو اخلص لك سيارتك الحين ومابي اخلصها اقولك بكره " فيها ايه

وبكل وقاحه يتكلم يتصل على الموضف مايرد


يقولي خله يتصل علي واروح له مكتبه ومااحصله شوي وجا الموضف جا ساله وش سالفته قاله باقي له مكاين داريش وكنترول توهم واصلين باقي التركيب

قالي انتضرني

رجع اشرت له على سيارته اشوفها واقفه يطالعني مستغرب !!! هيا دي اقوله ايه هيا دي اقوله ايه

المهم خشيت داخل قالي دي مطوله لسا ماغيرنا سير التامين وباقي في حاقات كتير َ!!!! ايوا

ووينكم من يوم الاحد ماتخلصون السياره المهم مسوي انا راعي فزعه ووكذا يكلم واحد سوري المشرف على السيارات توصو فيها وكذا اسئله اقوله سووو المكيف !!! هو ماله المكيف ...

اقوله نصه يطلع من تحت والنص الثاني من فوق ... مسوي ينكت يقولي ديه اغنية نانسي عجرم هههه وانا اطالعه ولانيب راقي له

المهم قلت خلني اشيك سوو المكيف ولالا لقيتهم مصلحينه تصليح من تحت نفس ماسويت انا ومن حركت الكنترول حق المكيف رجع مره ثانيه .. والله كان قلبي ناغزني وانادي السوري لا ماعليك ينضبطها ومدري وشو

هذا انتو شاهدين قالي بنضبطها وبكره استلمها العصر .. عساس بكره لا اتركبت جريمه في حق احد الوكاله محد يلومني لان شي يقهر وربي

غير كذا اول ماجيت كان الصلاه طالعه لها فوق النص ساعه ومافي ولا موضف الا السعودي المميز باخلاقه والله ناسي اسمه بس قد تعالمت معاه مره ورجال مواعيده قول وفعل

والمصري والسوري محد شرف منهم الا بعدين



حسبي الله ونعم الوكيل فيك يالمجدوعي بالمرمطه الي معيشيني فيها

طيب ليش ما سويت شكوى لمدير الفرع اخوى ....

هلا يالغلا

والله حاس بمعاناتك والقهرر

بس والله مالك الا توريه العين الحمراء ويمشي معاك مضبوط..

لو توصل لمد اليد لانها زادت عن حدها حركاتهم

نفس حكايتي يوم صيانة الوعلان ضيعو استمآرتي

قلت لهم وش دخلكم بالدرج تفتحوه وقآم يتأسف ومدري وش

المهم قلت له لازم اشتكي عليكم ويقول حنا بنعوضك

وش تعويضـه تخيل !!

يقول نغير لك زيت وسيفون الصيانه الجايه مجآنآ !!

يعني عيني عينـك خآيف من الشكوى ولاهوخايف من ربه استغفر الله

طبعآ رفضت انا ومشيت

والله يالغلا اشوف انك تنزلهاعندنا بالرياض للوعلان يمكن يفهمون اكثر من المجدوعي بالصيانه

هلا بكم اخواني حدي معهم اليوم بطلع السياره القطع الي جابوها وماركبوها للحين خل يرجعونها ولاني مركبها ولا شي اروح اركبها بره ماتخخذ معاي ساعه

المشكله الرياض ياخوك ماواطنها بعيشة الله بسبة الزحمه .. الدلوله مادل فيها شي

خل نشوف اليوم وش يقولون ممكن في حل ثاني اطلعها وادخلها فرع الخبر او الجبيل بالمشاكل .. يعني مادخلها صيانه

شاكر لكم مروركم

تم حل المشكله اليوم


تم الاتصال بي من خدمة العملاء من فرع الدمام بعد اطلااعهم على مواضيعي في عدت مواقع

اول ماوصلت استقبلني مدير الصيانه حنا متاسفين وكذا وضبطني بخصم يطيب الخاطر

شاكر لكم تفاعلكم