ad2 قم بطرح مشكلتك ليتم الرد عليك
التميز خلال 24 ساعة
العضو المميز الموضوع المميز المشرف المميز
سمير كمال افضل برنامج استثماري بالخليج
بقلم : سمير كمال
قريبا


إضافة رد

قديم 04-24-2011   #1
عضو [ جديد]
تاريخ التسجيل: Apr 2011
المشاركات: 16
التقييم: 10
نوع السيارة : النترا
الموديل : 2009
اللون : عودي
الوكيل : المجدوعي
Unhappy الانترا جننتي خرابات غريبه !!! والحل

السلام عليكم ورحمة الله وبركاته

اولا اتمنى ترحبون فيني بينكم كااخ لكم وان شاء الله نفيد ونستفيد منكم يارب

انا عندي النترا 2009 2.0 قير اوتو

اخواني السياره كل شوي جاره خراب وخرابات غريييييييبه جننتني قسم بالله

اول ماشريتها بعد مامشت 13 الف بدى القير عندي ووديتها المجدوعي وغيرو لي الحساسات حقت القير على الضمان

من بعدها بدا يطلع لي صوت طقطه بالدرايش الي قدام ووديتها لهم وغيرو لي المكاين حقت الدرايش

بعدها نفس المشكله بس الدرايش الي ورا

بعدها دريشة الراكب الي قدام ماتنزل وغيرو المكينه مره ثانيه

بعدها نفس الدريشه ماتنزل وطلع السويش حقها خربان وغيروه

بعدها السياره ماهي راضيها تعبي بانزين ابد ووديتها لهم غيرو لي العامود كامل الي يودي للتانكي

والحين الكنترول حق الدرايش التحكم الي عندي خربان

سويش القزازه الخلفيه خربان

المكيف نص تحت ونص فوق ( خراب تحفه ) وربي حاولت احرك الي تعدل الوضعيات مافي فايده وبعض الاحيان يفصل نهائيا ويروح فوق

غير كذا السياره ماود تركبها الضهر المكيف مكيف تسعاوي ويمكن التسعاوي احسن منها من اوقف يحتر وسبق وديتها لهم يقولون لي مافيها شي واشوف سيارات قرايبي ماشاء الله الضهر على ال2 وانا 4 ومحتر


قسم بالله كرهت السياره ولو بيدي بعتها بس وش الحل برايكم تتوقعون السياره مصقوعه من قبل وهم ينزلونها للمينا وعشان كذا الخرابات الغريبه ؟؟؟

او عين !!!!

عندي استفسار انا اخر تشييك وديتها تشييك ال60 الف الحين ماشيها 85 الف هل يشملني الضمان الى الان ولا لازم ادفع مبلغ عساس تخش للضمان مره ثانيه حسب ماسمعت

انتضر ارائكم اخواني
سواها البخت غير متواجد حالياً   رد مع اقتباس
قديم 04-24-2011   #2
مشرف سابق
تاريخ التسجيل: Oct 2010
المشاركات: 1,936
التقييم: 222
افتراضي رد: الانترا جننتي خرابات غريبه !!! والحل

لي رجعه يالغلا وبخصوص صيانة الـ 60

دخلتها وهي ماشيه 90 وشملني الضمان

لي رجعه يالغالي
آبـو سعـد غير متواجد حالياً   رد مع اقتباس
قديم 04-24-2011   #3
عضو [ جديد]
تاريخ التسجيل: Apr 2011
المشاركات: 16
التقييم: 10
نوع السيارة : النترا
الموديل : 2009
اللون : عودي
الوكيل : المجدوعي
افتراضي رد: الانترا جننتي خرابات غريبه !!! والحل

حبيت اضيف شغلتين

فيها صوت تك تك تك مستمر على طول بالمكينه وديتها كهربائي قالي هاذي فيها مشكله بالبخاخات

غير كذا مافي امل تقرص تعرف كيف مافي امل يعني مافيها عزم

غير كذا فيها صوت طقطه ورا وديتها قالو لي المساعد خربان
سواها البخت غير متواجد حالياً   رد مع اقتباس
قديم 04-24-2011   #4
عضو [ جديد]
تاريخ التسجيل: Apr 2011
المشاركات: 16
التقييم: 10
نوع السيارة : النترا
الموديل : 2009
اللون : عودي
الوكيل : المجدوعي
افتراضي رد: الانترا جننتي خرابات غريبه !!! والحل

باانتضارك اخوي
سواها البخت غير متواجد حالياً   رد مع اقتباس
قديم 04-24-2011   #5
مشرف سابق
تاريخ التسجيل: Oct 2010
المشاركات: 1,936
التقييم: 222
افتراضي رد: الانترا جننتي خرابات غريبه !!! والحل

هلا فيك اخوي

اول شي الله يحيك بين اخوانك ونورتنا بالمنتدى واسعدتنا بطلتك البهيه

ونتمنى انك تقضي اوقات سعيده ومفيده وتستفيد وتفيد ان شاءلله

بالنسبه للقير انتهت مشكلته صح ؟

واعتقد ان المجدوعي يركب مبرد قير للأوتو لان كذا واحد قابلته موتره فيه مبرد قير وهذا الي يضمن قيرك

والدرايش صارت لي نفس مشكلتك بالبدايه كنت اول مافتح القزاز اشوف كهرباء السياره تضعف وبعدها خرب وصارت السياره تشغل الانوار من حالها
وديتها الضمان وضبطوها وقالو ان مشكلة الدرايش من نفس الازرار والانوار من العصا نفسه

والمكيف يالغالي شيكت عليه وديتها ورشه متخصصه يكشفون عليه لان ممكن يكون الكمبرسر فيه مشكله

وماستبعد ان السياره تكون مصدومه من الميناء

لان حصلت لقريب لي وكانت سيارته جمس يوكن وارد امريكا ويوم يرقونها للسياره الي تنقل السيارات صدمو فيها مع الرفرف وطعجات بالكبوت

واذا عن العين لاتستبعد انها عين يالغالي

ودها عند شيخ يقرا عليها يطلع العين الي فيها وتتهنى فيها يارب

وبالنسبه لصوت التك تك هذا عندي بعد

ورحت كنت بغير زيت بس وسألت الي كان يشتغل على سيارتي بالصوت

ويقول طبيعي ورحت لسياره ثانيه لقيت نفس الصوت بس اخف وشكيت بالوضع بس ماحصل شي الحمدلله
آبـو سعـد غير متواجد حالياً   رد مع اقتباس
إضافة رد

الكلمات الدليلية (Tags - تاق )
والحل, الانترا, جننتي, خرابات, غريبه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:16 AM.
Powered by vBulletin® Version 3.8.4
Copyright ©2000 - 2019, Jelsoft Enterprises Ltd diamond
:: جميع ما يتم طرحه من أراء ومنشورات وما يتم بيعه وشرائه عن طريق الموقع لسنى مسؤلين عنه ::