قم بطرح مشكلتك ليتم الرد عليك
التميز خلال 24 ساعة
العضو المميز الموضوع المميز المشرف المميز
اميره صبري شركة البيوت للخدمات المنزلية
بقلم : سمير كمال
قريبا


الورشه العامه والصيانه الذاتيه لعرض [مشاكل] [وحلول] ومواضيع [تعريفيه] لتجنب بعض المشاكل والاستخدام الأمثل

إضافة رد

قديم منذ 3 أسابيع   #1
الصورة الرمزية ahmeed
[ مختص صيانة]
تاريخ التسجيل: Jun 2013
المشاركات: 41
التقييم: 118
افتراضي الحل لمشاكل فتيس الاوتوماتيك

السلام عليكم
النهارده هتكلم عن موضوع سبق شرحه
في عطل مهم ومتكرر في عربيات هيونداي وكيا والعطل ده موجود في الفتيس الاوتوماتيك
العطل اعراضه بتكون كالاتي
اولا تأخير في الرجوع لورا + ان لما الغيار يلقط يحصل دبه جامده
ولو حد مش عارف العطل ده هيقول قواعد الموتور بايظه وهي اللي بتعمل الدبه دي
ثانيا ما بين كل غيار وغيار نتشه (بتنتش في النقلات)
ثالثا من الغيار التاني للتالت او من التالت للرابع بيحصل ان الRPM يعلي والنقله تيجي متأخر مع وجود النتشه
رابعا العربيه تطلع علي الغيار الثالث ولما تمشي وتاخد كل النقلات وتيجي تهدي علشان مطب تطلع تالت بردو
-----------------------------------------------
ممكن الاعطال دي كلها تكون موجوده مجتمعه مع بعض او عطل واحد منهم بس وكمان ممكن يظهر احيانا ومش علي طول
------------------------------------------------
طبعا العطل مرتبط بكذا حاجه واول حاجه بنكشف عليها هي مستوي الزيت ونوعيته وحالته ولونه وهل العميل بيغير الزيت كل كام كيلو وايه نوع الزيت وهل بيغير فلتر ولا لا .
ولو طلع الزيت كويس نبدأ المرحله التانيه وهي جهاز كشف الاعطال ونكشف علي الفتيس هل مسجل اخطاء في الكنترول ولو مفيش بنعمل reset للكنترول املا ان يتم ظبط الفتيس
ولو طلع مسجل. عطل نبدا نكشف علي العطل مرتبط بأيه
وفي الغالب بيكون العطل مرتبط بضفيره الفالف بودي الداخليه ودي ليها حل من اتنين يا تتصلح او تتغيير
واحيانا التصليح مش بينجح .
طيب لو طلع مش مسجل عطل والreset مش نافع
فده بيكون نسبه كبيره اوي الفالف بودي
وده السبب في عطله حاجه اسمها البلوف والبلوف دي جزء من الفالف بودي
ممكن حد يطلع يقول نغير البلوف بدل منغير الفالف بودي كله علشان غالي
هقوله تمام ولو لقيتها بتتباع ابقي غيرها
--------------------------------------
ممكن ان حضرتك يظهر لك علي الجهاز ان الضفيره محتاجه تتغير وتغيرها وتلاقي عطل واحد من الاعطال دي اختفي والباقي لسه موجود في الحاله دي حضرتك بتكون محظوظ وهتعوز تغيير فالف بودي كمان
علشان كده بحب اجيب الفالف بضفيرته
--------------------------------------
اخيرا حاجه عايز اقولها
حضرتك لو من بتوع صلح فهتلاقي كذا عقبه
الفالف بودي والضفيره مش هتلاقيهم بيتباعو استيراد الا قليل اوي لأن ببساطه بتاع الاستيراد مش هيبوز فتيس ب5000 جنيه علشان فالف ب1500
لكن لو لقيته ممكن يكون خارج من فتيس مكسور
لأن ببساطه انا كنت سائل عن سعر الضفيره والفالف في التوكيل في شهر 8/2016
الضفيره3300
الفالف ب7000

ولو حضرتك من بتوع اشتري دماغي واجيب فتيس كامل فده حل كويس وانا ارجحه بس لازم تنقي فتيس يكون حالته كويسه وتاخد ضمان من البايع من اسبوع او 10 ايام وفي الفتره دي تجرب الفتيس كويس اوي مشاوير وزحمه وجري علشان لو فيه حاجه تغيره
------------------------------------
العيب ده بيكون في العربيات الاتي ذكرها وهي بتشترك في فتيس واحد
HYUNDAI
ELANTRA HD 2008 to 2011
I20 2009 to 2011
I30 2009 to 2011
ACCENT RB 2011 to 2014
IX20
KIA
CERATO 2010 to 2012 4speed
Rio 2011 to 2013
Carens 2012
soul 2011 2012
بس في كيا مش شائع اوي زي هيونداي

منقول من صفحتي علي الفيس بوك
تكنو كار لتكنولوجيا السيارات الحديثه
اضغط على الصورة لرؤيتها بالحجم الطبيعي
ahmeed غير متواجد حالياً   رد مع اقتباس
إضافة رد

الكلمات الدليلية (Tags - تاق )
valve body, فتيس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:21 PM.
Powered by vBulletin® Version 3.8.4
Copyright ©2000 - 2017, Jelsoft Enterprises Ltd diamond
:: جميع ما يتم طرحه من أراء ومنشورات وما يتم بيعه وشرائه عن طريق الموقع لسنى مسؤلين عنه ::