شبكة سيارات هيونداي العربية

شبكة لمتابعة جديد ما يخص سيارات هيونداي و جينيسس بالشرق الأوسط


بسم الله الرحمن الرحيم
السلام عليكم ورحمة الله وبركاته

صبآح / مسآء الخير على الجميع أعضاء وزوار منتدانآ …

الحمد لله الذي يسر لي شراء هذا السيارة الأروع من هيونداي ( جينيسيس سيدان ) وربي يرزقني منها كل خير ويبعد عني كل شر ان شاء الله،

من بعد معانآة ما يقارب سنة وأكثر في هذهـ الشركة الضخمة التي تعد اليوم من أكبر وأقوى الشركات في عالم السيارات ( هيونداي ) .

اللي حيشوف الموضوع راح يعرف بدآية الحكاية مع هذا المنتدى ومع الأخ العزيز الغالي الذي أعتبره جوهرة هذا المنتدى وأساسه من طيبة قلبه وروحه الحلوه فهد كل التحية لكـ من القلب للقلب . ولا يهونون البقية 
http://hyundai-arabic.com/vb/showthread.php?t=5404

طبعآ بعد ما عرفت انو اللون اللي أبغاهـ ما توفر في الـ ألنترا شلت الصرف عن هذه السيارة

وبعدين صرت أشوف لي سوناتا مستعمل موديل 2012 أو 2013 بسعر معقول حسب المبلغ اللي كان متوفر معي وهو سعر النترا فل كامل – الناغي . 

وبعد كده صار لي كم موقف من بعض الناس الله يهديهم كنت حأخذ سيارة سوناتا 2013 مضروبه جاتها صدمه قوية لكن بعد فحص السيارة بالكامل عند شخص أعرفو الله يجزاه الخير وطبعآ فهد كان معي وكان ينصحني طفشتو المسكين  ما نضحك علي الحمدلله من هذا الشخص الله يهديه .

وبعدهآ بفترة الحمد لله الحال تيسر معي بخصوص المادة وصرت أشوف أزيرا فل كامل مستخدمه كمان يعني لسا الجديد ما كان معي سعرهآ  صراحة ما ناسبني شيء كنت شبه يوميآ أنزل المعارض جهة الحراجات في جدة برضوا ما في أي فائدة وحتى كنت أزور معارض الناغي وتعرفت على ناس في المبيعات ومدراء فروع وحاولت معاهم لكن الكل كان يقول لي النترا اللون اللي تبغاه يجي منو قليل جدا .

وطبعآ بعد فترة تقريبآ قبل رمضان اللي راح بشهر واحد من الشباب كلمني يقولي في جينيسس سيدان موديل 2013 ماشية 9000 كيلو بسعر 80.000 ريال  أنا إنصدمت زيكم صراحة سعرها مو معقول وحتى فهد إستغرب من سعرها المهم كلمت الرجال وكان مشغول وعلى أساس أقابله في اليوم الثاني لكن بس كلمتو يقولي بعت السيارة أمس بالليل بوقت متأخر كانت حوالي الساعة 12 وشوي بالليل ويقولي بسعر أغلى من السعر اللي كنت راح أبعها فيهآ يقول 86.000 ريال برضوا سعرها وقتها كان حلو لكن لعله خير .

ومن هذا الوقت وانا أدور على جينيسس مستعمل بالسعر هذا كان طبعآ شيء مستحيل لكن كنت عنيد وأدور أروح وأجي وحتى فهد كان يتريق علي يقولي انت صاحي هذا كانت لقطه وخلاص  .

وانا كنت متفآئل جدآ المهم روحت مرة على فرع الناغي اللي بالتحلية وأخذت السيارة الجينيسس انت تست درايف Test Drive صراحة سيارة إنحفرت براسي قوة وعزم ورساوة وفخااااامة شيء مو طبيعي طبعآ وقتها ما قدرت أنزل تقرير على السيارة لانو كان وقتها بقفل المعرض .

المهم السيارة دخلت راسي وبقوة وأكثر من أول طبعآ دبرت المبلغ من ها والحمد لله تيسرت معي هذا من فضل ربي الذي أنعم علي الحمد لله وبفضل دعاء الوالدين الحمد لله

المهم قبل لا أخذ الجديده شفت وحده مستخدمه إستخدام نظيف ماشية 14.000 كيلو بسعر 93.000 ريال سعرها حلو المهم ثاني يوم طلعت وعلى أساس أقابل الرجال وأنقل الملكية لكن الرجال سحب علي مدري صراحة ايش السبب منو لكن اللي أعرفو انها مو نصيبي وربي كاتبلي أفضل منها الحمدلله المهم في الوقت هذا رحت أخذت لفه على المعارض أدور على الجينيسس 2013 لقيت معرض يبيع 2014 فل كامل الناغي وفرق كان حوالي 17.000 ريال دبرتها من هنا وهناك والحمد لله بفضل الله تيسرت الأمور معي وأخذت الجينيسس 

 

إذكروآ الله إخواني العين حق

ماشاء الله تباركـ الله

رحت المعرض وإتفقت معاه على السعر وجيت ثاني يوم دفعت المبلغ كامل وقال لي بكرة تستلهما بعد المغرب .

ورحت ثاني يوم لقيت السيارة جاهزة طبعآ أنا كلمتو قلتلو لا تركب اللوح بس أجي وفعلآ رحت وركب اللوح وهذا صور أولى للسيارة بعد تركيب اللوح

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

وطبعآ أخذت السيارة ودخلت فيها على المعرض عشان أشيك عليها بالكامل

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

السيارة ماشاء الله ما كان فيها شيء

والإخوان بالمعرض ماشاء الله ماقصروآ طبعآ أخذت شنطة التلميع الخاصة بالسيارة + شنطة فيها معدات السلامة من إكسسوارات الناغي
وأول ما إستلمت السيارة وخرجت من المعرض رحت أقرب محطة وحطيت بنزين 95 فل كان الفل تقريبآ 37 ريال وهذا صورة بعد ما خرجت من المحطة

اضغط على الصورة لرؤيتها بالحجم الطبيعي

 

 

أخذت السيارة وع طول على المغسلة
فكيت كل اللصق اللي عليها ما عدا اللي على السقف مدري حبيت شكلو بانوراما أييض ههههههـ ^_* واللي تحت الباب واللي تحت الشنطة
اضغط على الصورة لرؤيتها بالحجم الطبيعي

صورة من البيت
اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

 

وبعد كدا جلست يومين محتار ايش أركب أفضل عازل حراري للشبابيكـ شفت أكثر من شركة وبعد تفكير طويل إستقريت على شركة جيوشليد طلع عندهم أفضل عازل حراري بالعالم أمريكي درجة أولى
رحت وإتفقت مع الرجال على تركيب التالي :-

عازل حراري كامل السيارة القزاز الأمامي والخلفي والجوانب + عازل للأتربة يجي على نص الكبوت تقريبا + الشمعات والصدام الامامي والكشافات + أيادي الأبواب عشان لا تتجرح من الأظافر + أطراف الأبواب + السقف أمام فتحت السقف والجوانب + تحت الشنطة الخلفية عشان اذا بحط شيء لا أجرح الصدام + تلبيس الدعاسات + حماية داخلية للمقاعد من أي سائل .

وهذا صور أولى قبل لا تدخل على الصالة لعمل العازل لازم يسوي نظافه كاملة للسيارة بمادة خاصه عندهم
اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

وهنا وقت ما دخلتها الصالة عشان يبدآو يسوي العازل للمقدمة
اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي
طبعآ بعد ما دخلت الصالة كانت البداية لـ عزل الواجهة الأمامية من الأتربة + عازل للشمعات والكشافات ونص الكبوت ومن فوق السقف نشوف بعض الصور
اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

وهنا عزل من الجوانب حقت الباب وأيادي الباب

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

السيارة ما ستلمتها بوقتها لانو كان المحل يقفل الساعة 10 المساء

وكان شغلهم صراحة دقيق جدآ عشان كده الرجال حق المحل قال اذا تبغى شيء سريع سريع ما حيكون ممتاز

أنا قلت له لا خذ راحتكـ وفعلآ طول الوقت من المغرب الى الساعة 10 بس يسوا عازل للواجهة وأجزاء من السيارة

 

وثاني يوم جييت لقيت كل شيء جاهز لانو من صباح ثاني يوم إستلمو السيارة وركبو العازل على القزاز كامل السيارة

وهذا صورتين بعد ما خلصت السيارة الحمدلله

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

 

 

 

اول شيء تجربتي مع المحل صراحة شغلهم ممتاز ودقيق جدآ

لانو بعد ما رجعت أستلم السيارة شيكت عليها لقيت في نقطة مرة صغيرة على الكبوت تحت العازل صراحة كنت مضايق وكلمت الرجال مشرف المعرض وقلتله شغل تعبان وراح أكلم صاحب المحل طبعآ أنا موصى علي من صاحب المحل << واسطه يعني ^_^

المهم فك العازل ولمع الكبوت ورجع ركب واحد جديد من ثاني وطلع كل شيء تمام والحمدلله

شغلهم ممتاز بنسبة 98% اللي ما عجبني الصالة ضيقة صراحة ومكان المحل في مكان مو معروف طبعآ انا كلمت صاحب المحل يقول راح نفتح فرع في الشمال ومكان مميز ان شاء الله .

تجربتي مع السيارة الى الآن ماشاء الله تباركـ الله قوة وعزم وفخامة ورساوة وعزل من أروع ما يكون صراحة وطبعآ راح أوافيكم أول بأول عن السيارة من جميع النواحي سلبيات وإجابيات .

وأي إستفسار وسؤال أنا حاضر وان شاء الله أكون أفدتكم بتجربتي المتواضعة 

تحياتي لكم

 

رابط الموضوع للاستفسار من الاخ خالد: http://hyundai-arabic.com/vb/showthread.php?t=7637&page=2

 

 وتشكر الإداره  العضو  المتميز على التقرير المفيد والمميز 

 

 


  • RSS
  • Delicious
  • Digg
  • Facebook
  • Twitter
  • Linkedin
  • Youtube

الأكثر قراءة

توجيهات لمن أراد تغيير زيت القير

    توجيهات لمن أراد تغيير زيت القير 1- يجب اختيار زيت القير ...

إطرح مشكلتك

صفحه خاصه لطرح مشاكل سيارات هيونداي الميكانيكية والكهربائيه ...

عروض المجدوعي على سيارات هيونداي

عرض هيونداي المجدوعي؟!! سنتين بدون هامش ربح. تفضل بزيارة اقرب فرع للهيونداي ...

موقع يقوم بعرض زيت المحرك والقير وا

بسم الله الرحمن الرحيم كاتب الموضوع ( أحمد الغامدي) السلام عليكم ورحمة ...