السلام عليكم ورحمة الله وبركاته
الكثير منا يشكو من اصفرار وبهتان شمعات النور في سيارته…وخاصة المصنوعه من البلاستيك…. مما يؤدي لضعف الرؤيه خصوصا في خطوط السفر والطرق المظلمة وقد يتسبب في حصول حوادث او اصابات لا سمح الله ورحت محلات التلميع سالت عن تلميع الشمعات فكان السعر من 120 الى 400 ريال حسب المحل والنوع والحماية حسيت ان السعر مبالغ فيه وماتستاهل السعر هذا علما ان سعر الشمعه الواحدة جديدة في الوكاله مايتجاوز 300 ريال فبحثت وتمحصت في النت وقررت اخوض التجربة بنفسي و طبعا حبيت انقل لكم اجربتي في هذا الموضوع وتتعلمون كيفية تلميع شمعات السيارة الامامية واعادتها الى حالة الوكالة او قريبة من حالة الوكالة
تحذير وملاحظة هامة جدا : هذا الموضوع خاص بالشمعات البلاستيكية فقط واحذر من استخدامة على الشمعات الزجاجية !
ياشباب لاتنسون ادوات السلامه مثل القفازات ونظارة حماية للعيون لان ممكن يتطاير الملمع لاسمح الله ويجي في عينك … وكذلك ممكن تنطلق ريشة الدريل لاسمح الله وتجي فيك او في احد حولك لذلك وجب التنبية
الادوات المستخدمة :
1- دريل عادي اعتقد أغلب البيوت متوفر فيها الدريل لان الشغل بالدريل اسهل واسرع والنتيجة مضمونه لانك لو تفرك بيدك لحد بكرة راح تكون جهه ملمعه وجهه لا وحوسه وتعب فالدريل احسن واسعار الدريل تبدا من 100 ريال في شارع الريل بالغرابي او ساكو :
2- اسفنجه تلميع وتحصلها في ساكو او توجد لدى محلات المسامير بكره من القماش القطن طبقات ممكن نركب بها مسمار 12 مع صاموله وتركب بالدريل وتوفي بالغرض
3- منتج PLASTX كما في الصوره او ملمع اسمه MAXClEN أو CLERMAX او تستخدم ملمع بودي عادي خشن زي الكريم شكلة وبعد ماتلمع الشمعه مضبوط بالخشن تحط ملمع بودي ناعم يجي سائل
تاكد انه الاصلي المصنوع في امريكا مثل الصورة :
أسعار الادوات :-
– بخصوص plastx يكلف حوالي من 35 – 40 ريال سعودي ويوجد في محلات زينة السيارات او في محلات ساكو لانها الوكيل لهذا المنتج
– اسفنجه تلميع سعرها من 10 الى 35 ريال .
– ورق رمل (صنفرة) خشونة 1000 و 2000 ….الورقة الواحدة 2 ريال سعودي (تقدر ماتستخدم الصنفره يعنس مش لازم)
والمطلوب ورقتين من كل نوع ( تحذير يرجى التأكد من خشونة الورقة …يعني الخشونة لازم لا تقل عن 1000 لأن راح يكون قوي على البلاستيك ويخدشه )
فكرة سهلة وفيها توفير وتسلية في نفس الوقت يعني بقيمة التلميع مثلاً 300 / 400 ريال يمكنك شراء دريل مع ريشتين أو ثلاث خاصة بالتنظيف بقيمة التلميع تشتري فيها الاداوات تستفيد منها على طول ويستفيد منها اخوانك او زملائك
الخطوات :-
نظف الشمعات والكشافات اول شي من التراب بمويه وصابون ونشفها زين + حط على حدود الشمعات على الصدام شطرطون او اي شي يحمي بوية البدي من الخدش
أولا : امسح الشمعة بورق رمل خشونة 1000 مع مراعاة أستخدام الماء باستمرار ( تحذير عدم استخدام الماء راح يخرب ويخدش اللمبة ) امسح الشمعة يمين ويسار فقط يعني من يمين الشمعة الى يسارها .
ومن ثم تكرار نفس العملية بورق رمل خشونة 2000 ..راح ياخذ منك حوالي 10 دقايق على كل شمعة .
“” مع الانتهاء من هالعملية بتلاحظ أن سطح الشمعة راح يكون أملس .. وتغير لونه كانك كاب عليه بودرة بيضاء “”
نفس الشي الشغل يكون باتجاه يمين ويسار فقط يعني من يمين الشمعة الى يسارها
ثانيا: بعد جفاف الشمعة ….ضع كمية من منتج PLASTX على اسفنجة التلميع زي هذي الصورة
حط الدريل على الشمعه وحركه بشكل دايري عشان ينمسح الملمع على الشمعه ومايتطاير عليك اذا شغلت الدريل وبدون ضغط الدريل على الشمعه بس حطه وخله يدور على الوضع البطي شوي لمدة 3 دقايق وبعديم زود سرعه الدريل شوي شوي ..
خل الدريل على سرعات بطيئة وزود السرعه بتدرج كل اصطب من 10 دقائق الى 15 وراح تشوف الماده الصفراء تنزل
وحاول تعكس دوران الدريل كل شوي يعني مره يمين ومرة يسار لتلميع افضل .
مقطع من اليوتيوب اعتمدت عليه في شغلي :
هذه صور توضح الشمعات بعد التنظيف …حالتهم مثل اللمبات الجديدة مثل الوكالة ..
كشافات الضباب قبل :
بعد الكشاف الايمن مكسور وطايحه قطعه جواته هههههه
الشمعة قبل التلميع :
بعد التلميع ( ماشاء الله تبارك الله )
معليش على ردائة الصور راح اللي كان يصورني وبلشت بنفسي 
طبعا هذي الطريقة اقتبستها من هذي المقاطع عاليوتيوب 
: اكتمو الصوت مزعج
وفيه عدة طرق منها هذي الطرق 5 ريال معجون اسنان والمكونات قصدي الادوات كالتالي :
1 ريال اسفنج < حق المواعين واستخدم القطعه الخشنه مويه + قطعة قماش عاديه
الطريقه :
اغسل الشمعات بالمويه وحط عليها معجون وافركه بالاسفنجه الخشنه حتى تشوف فيه فرق < طبعا يحتاج وقت الله يعينك بعدها اشطفه بالمويه وقطعة القماش العاديه وشوف النتيجه
مقطع فيديو يشرح القرقرة اللي فوق
وختاماً اتمنى ان الفكره تنال اعجابكم ان يكون الشرح واضح فان اصبت فمن الله وان اخطات فمن نفسي والشيطان
همسه : الموضوع اخذ جهد ووقت لاعداده حتى تصل الفكره لك فلا تبخل علينا بدعوه لوجه الله تعالى
إدارة المنتدى تشكر العضو المميز على مواضيعه المفيده وما يقدمه لزوار واعضاء الشبكه
شمعات الأمامية